Wolt+ áskriftarskilmálar

Wolt+ áskriftarskilmálar

Þessir skilmálar stjórna notkun þinni og kaupum á Wolt+ áskrift („Wolt+“ eða „Áskrift“). Wolt+ er sjálfvirk endurnýjandi áskrift sem krefst endurtekinna greiðslna á áskriftargjaldi þar til henni er sagt upp. Wolt+ áskrift veitir þér aðgang að ákveðnum fríðindum („Wolt+ Fríðindi“) fyrir gjaldgengar pantanir sem gerðar eru í gegnum Wolt þjónustuna fyrir hæfa samstarfsaðila með lágmarksupphæð sem tilgreind er í Wolt þjónustunni. Áskriftin er háð þessum Wolt áskriftarskilmálum („Wolt+ Áskriftarskilmálar“) og þeim Notendaskilmálum okkar sem er að finna hér með tilvísun. Notendaskilmálar eiga við um allt sem ekki er sérstaklega fjallað um í Wolt+ áskriftarskilmálunum. 

Samstarfsaðili, pöntun, notandi, Wolt og Wolt þjónusta eru skilgreind í notendaskilmálum og hafa sömu merkingu og skilgreind eru í notendaskilmálum.

Ef þú ert með Wolt fyrir vinnureikning og/eða Wolt+ áskrift sem viðskiptafélagið („Fyrirtækjaáskrift Wolt+“) hefur veitt þér þá gilda þessir skilmálar einnig um viðskiptavinafélagið með tilliti til fyrirtækjaáksriftar Wolt+.

1. HVAÐ ER WOLT+?

• Wolt+ fríðindi eiga við um gjaldgengar pantanir gerðar í gegnum Wolt þjónustuna fyrir hæfa samstarfsaðila með lágmarks pöntunargildi eins og gefið er til kynna í Wolt þjónustunni. Þú munt fá kynningu um viðkomandi Wolt+ fríðindi þegar þú nýskráir þig í áskriftina. 

• Hæfir samstarfsaðilar eru merktir með W+ merkinu í Wolt þjónustunni. Vinsamlegast athugaðu að hvað teljast hæfir samstarfsaðilar getur verið breytilegt eftir því hvaða afhendingarstað þú hefur valið. Hámarks afhendingarsviðstakmarkanir eiga við. Ef þú hefur ekki virkjað staðsetningarrakningu eða ekki slegið inn afhendingarstað þá munu hæfir samstarfsaðilar birtast samkvæmt afhendingarsviðum í valinni miðborg.

• Lágmarkspöntunargildi geta verið mismunandi frá einum tíma til annars og geta verið breytileg á milli hæfra samstarfsaðila. Wolt áskilur sér rétt til að breyta lágmarkspöntunarvirði hvers samstarfsaðila hvenær sem er.

• Áskriftin er í boði fyrir mánaðarlegt eða árlegt áskriftargjald sem greiðist í upphafi viðkomandi áskriftartímabils („Áskriftargjald“)

• Áskriftin mun endurnýjast sjálfkrafa að mánaðarlegu eða árlegu greiðslutímabili loknu nema þú hafir sagt upp áskriftinni í samræmi við kafla 4 hér að neðan. Þú getur sagt upp áskriftinni hvenær sem er í notandaprófílnum þínum í Wolt þjónustunni. 

• Áskriftin og Wolt+ fríðindi takmarkast við landið þar sem þú kaupir áskriftina („Áskriftarland“). Ef þú ferðast utan áskriftarlandsins munu Wolt+ fríðindi ekki eiga við um nein kaup sem gerð eru meðan þú ert utan áskriftarlandsins. 

• Áskriftin er til persónulegra nota og eingöngu neytendur eru hæfir til að kaupa Wolt+, nema annað sé tekið fram í þessum Wolt+ áskriftarskilmálum.

1.1. Með því að kaupa eða nota áskriftina samþykkir þú þessa Wolt+ áskriftarskilmála og tiltekna skilmála sem eru tilgreindir eru í Wolt þjónustunni um áskriftina. Þú samþykkir einnig að valinn greiðslumáti þinn verði sjálfkrafa gjaldfærður mánaðarlega eða árlega, eftir því hvaða áskriftartímabil þú hefur valið, innan hvers greiðslutímabils með endurteknum hætti meðan á áskriftinni stendur. Áskriftin og Wolt+ fríðindi eru háð breytingum þannig að vinsamlegast gættu þess að þú hafir kynnt þér núverandi upplýsingar um áskriftina í Wolt þjónustunni.

1.2. Hæfir samstarfsaðilar teljast þeir sem taka þátt í Wolt+ áætluninni. Wolt getur ekki tryggt hæfi tiltekins samstarfsaðila og áskilur sér rétt til að breyta því hvort Wolt+ fríðindi teljist innleysanleg frá tilteknum samstarfsaðila hvenær sem er með eða án fyrirvara. Wolt+ fríðindi eru háð landfræðilegu aðgengi og gjöld eins og þjónustugjald, skattar eða önnur gjöld kunna að eiga við um pöntunina þína.

1.3. Viðbótarupplýsingar um áskriftina er hægt að nálgast í afgreiðslunni áður en þú kaupir áskriftina í Wolt þjónustunni og munu innihalda mikilvæga skilmála, eins og hvar og hvenær má nota Wolt áskriftin, tiltæk Wolt+ fríðindi, kostnað og greiðslutímabil Wolt áskriftarinnar. Vinsamlegast kynntu þér upplýsingarnar um Wolt áskriftina í Wolt þjónustunni áður en þú kaupir hana. 

1.4. Þú getur skoðað og haft umsjón með áskriftinni með því að smella á flipann Wolt+ í notandaprófílnum þínum í Wolt þjónustunni. Í notandaprófílnum þínum getur þú séð áskriftarlandið þitt og haft umsjón með stillingum þar, þ.m.t. greiðslumáta, lokadagsetningu áskriftar, næsta greiðsludegi. 

1.5. Ef þú vilt virkja fyrirtækjaáskrift Wolt+ eða breyta núverandi Wolt+ áskrift í fyrirtækjaáskrift Wolt+ sem veitt er af viðskiptavinafélaginu, verður þú að vera með Wolt fyrir vinnureikning og breyta greiðslumáta Wolt+ áskriftarinnar í Wolt appinu samkvæmt viðkomandi leiðbeiningum frá Wolt og/eða viðskiptavinafélaginu. Ef þú ert að breyta núverandi Wolt+ áskrift í fyrirtækjaáskrift Wolt+, mun breytingin ekki taka gildi fyrr en í lok þess áskriftartímabils sem þá telst núgildandi.  

1.6. Með því að taka fyrirtækjaáskrift Wolt+ í notkun skilur og viðurkennir viðskiptavinafélagið að það ber fulla ábyrgð á skyldum sínum sem vinnuveitandi og hlítni við skattalöggjöf, þar með talið skattalegum áhrifum á starfsfólk félagsins sem nýta fyrirtækjaáskrift Wolt+. Wolt ber enga ábyrgð á hvers kyns sköttum eða öðrum skyldum sem varða viðskiptavinafélagið og starfsfólk þess.

2. KAUP Á WOLT+ OG TÍÐNI GJALDA

2.1. Þú getur keypt Wolt+ beint í Wolt þjónustunni með því að smella á Fá Wolt+ flipann eða hefja ókeypis prufuáskrift þína eins og við á í Wolt þjónustunni. Þú getur séð upplýsingar um áskriftina þína og viðkomandi Wolt+ ávinning, og valið aðalgreiðslumáta fyrir áskriftargjaldið áður en þú staðfestir kaup á Wolt+. 

2.2. Þú getur keypt áskriftina fyrir mánuð eða ár og þú verður rukkuð/rukkaður fyrir fram á grundvelli valins áskriftartímabils. Þegar þú kaupir áskriftina verður áskriftargjaldið rukkað fyrir fyrsta greiðslutímabilið á kaupdegi, sem virkjar Wolt+ fyrir tímabilið sem er tilgreint í notandaprófílnum þínum, nema þú hafir átt rétt á ókeypis prufuáskrift, í því tilviki fer fyrsta greiðslan fram daginn eftir lok ókeypis prufuáskriftartímabilsins. 

2.3. Greiðslutímabilið byggist á fyrsta greiðsludegi áskriftargjaldsins. Aðalgreiðslumátinn sem þú valdir við kaup á áskriftinni verður rukkaður sjálfkrafa í samræmi við greiðslutímabilið. Þú getur breytt aðalgreiðslumátanum í Wolt+ flipanum í notandaprófílnum þínum. Ef þú vilt ekki að Wolt áskrift endurnýist sjálfkrafa geturðu sagt upp áskriftinni þinni í samræmi við kafla 4 hér að neðan. Ef þú ert með fyrirtækjaáskrift Wolt+ mun greiðslutímabilið samræmast skilmálum viðskiptavinafélagsins og viðskiptavinafélagið getur einnig sagt upp fyrirtækjaáskrift Wolt+. 

2.4. Til að koma í veg fyrir röskun á notkun þinni á áskriftinni veitir þú Wolt heimild til að rukka áskriftargjaldið af hvers kyns greiðslumáta sem er vistaður á Wolt reikningnum þínum ef aðalgreiðslumátinn bregst. Hins vegar er Wolt ekki skuldbundið til að nýta þann valkost. Það er á þína ábyrgð að gæta þess að upplýsingar um greiðslumáta þína séu uppfærðar. 

2.5. Ef við getum ekki unnið úr greiðslu á áskriftargjaldinu þínu munum við biðja þig um að velja annan eða bæta við nýjum greiðslumáta. Ef greiðsla þín bregst á meðan á endurteknu greiðslutímabili stendur, áskiljum við okkur rétt til að segja upp áskriftinni þinni sjálfkrafa eða rukka áskriftargjaldið að fyrir fram skilgreindu tímabili liðnu, reiknað afturvirkt frá upphafsdegi greiðslutímabilsins.

3. ÓKEYPIS PRUFUÁSKRIFTIR OG SAMSTARF VIÐ ÞRIÐJA AÐILA 

3.1. Við og/eða þriðju aðilar sem Wolt hefur heimilað („Heimilaðir samstarfsaðilar“) kunna að bjóða tilteknum notendum ókeypis áskriftir eða aðrar kynningaráskriftir fyrir Wolt+ áskriftina. Ókeypis prufuáskriftir eða kynningaráskriftir eru háðar þessum Wolt+ áskriftarskilmálum nema annað sé tekið fram í tilboðinu þínu. Ókeypis prufuáskriftir geta verið takmarkaðar að geðþótta Wolt, þ.m.t. í ljósi hæfis eða lengdar ókeypis prufuáskriftarinnar. Ef þér er boðin ókeypis prufuáskrift muntu þurfa að bæta við greiðslumáta fyrir áskriftina áður en þú hefur ókeypis prufuáskriftina. Tilteknar takmarkanir kunna að eiga við í tengslum við að sameina ókeypis prufuáskrift við önnur tilboð. Aðeins eitt ókeypis prufuáskriftartímabil eða önnur kynningaráskrift er í boði fyrir hvern notanda. 

3.2. Við endurnýjum sjálfkrafa áskriftina þína eftir ókeypis prufuáskriftina og rukkum þann greiðslumáta sem þú valdir þegar ókeypis prufuáskriftin hófst. Með því að veita upplýsingar um greiðslumáta samþykkir þú að í lok viðkomandi ókeypis prufuáskriftar eða kynningaráskriftartímabils, muni áskriftin þín endurnýjast sjálfkrafa og þú verður rukkuð/rukkaður um áskriftargjaldið sem tilgreint er í tilboðinu þínu. Þú getur sagt upp áskriftinni hvenær sem er í gegnum notendastillingar þínar í Wolt þjónustunni. Ef áskriftinni er sagt upp af einhverjum ástæðum á einhverjum tímapunkti munt þú ekki eiga rétt á nýrri ókeypis prufuáskrift á hvers kyns síðari áskrift.

3.3. Kynningaráskriftir fyrir Wolt+ sem heimilaðir samstarfsaðilar bjóða upp á eða veita kunna að vera háðar viðbótarskilmálum og -skilyrðum, sem verða kynntar á þeim tíma sem tilboðið er gert af heimilaða samstarfsaðilanum eða af Wolt eftir því sem við á. 

4. UPPSÖGN WOLT+ ÁSKRIFTARINNAR

4.1. Þú getur sagt upp áskriftinni þinni daginn fyrir endurnýjunardag áskriftarinnar þinnar. Þú getur sagt upp áskriftinni þinni í „stjórna áskrift“ flipanum í notandaprófílnum þínum í Wolt þjónustunni, þar sem þú getur einnig séð næsta greiðsludag.

4.2. Ef þú segir upp áskriftinni þinni færð þú áframhaldandi aðgang að Wolt+ ávinningi þar þágildandi greiðslutímabili sem þú hefur greitt fyrir lýkur. Allar mánaðarlegar eða árlegar greiðslur á áskriftargjöldum eru óafturkræfar og óframseljanlegar og verða ekki endurgreiddar í kjölfar hvers kyns uppsagnar sem hefst á reikningstímabili. 

4.3. Ef þú tókst þátt í ókeypis prufutímabili eða öðru kynningaráskriftartímabili fyrir Wolt+ þá getur þú sagt því upp innan fyrstu 48 klukkustunda fyrsta greidda áskriftartímabils þíns og fengið fulla endurgreiðslu á áskriftargjaldinu (eins og við á) með því að hafa samband við þjónustuver Wolt.

4.4. Fyrir bæði mánaðarlega og árlega áskrifendur, ef þú segir upp áskriftinni innan fyrstu 48 klukkustunda fyrsta áskriftartímabilsins þíns og hefur ekki lagt inn Wolt+ -hæfa pöntun innan þess tímabils, getur Wolt, að eigin geðþótta, endurgreitt Wolt+ gjaldið þitt. Vinsamlegast hafðu samband við þjónustuver Wolt vegna slíkra uppsagnabeiðna. 

5. UPPSAGNARRÉTTUR

5.1. Þú hefur rétt til að segja upp áskriftinni með því að tilkynna Wolt um það innan fjórtán (14) daga frá kaupum á áskriftinni. Til að nýta uppsagnarrétt þinn þarftu að tilkynna okkur skilmerkilega um ákvörðun þína um að segja upp áskriftinni með tölvupósti á support@wolt.com. Þú getur notað fyrirmynd afturköllunareyðublaðs sem fylgir þjónustuskilmálum notanda, en það er ekki skyldubundið. 

5.2 Ef þú segir upp áskriftinni, munum við endurgreiða þér áskriftargjaldið innan fjórtán (14) daga frá móttöku uppsagnartilkynningarinnar og afturköllun áskriftar þinnar tekur tafarlaust gildi. Við munum framkvæma endurgreiðslu með sömu greiðsluaðferð og þú notaðir við kaup á áskriftinni, nema þú hafir skilmerkilega samþykkt annað. 

5.3 Hins vegar, ef þú hefur óskað eftir því að nota áskriftina fyrir lok uppsagnartímabils, verður þú að greiða okkur sanngjarnt endurgjald fyrir þjónustu sem veitt hefur verið til að uppfylla samninginn á þeim tíma sem uppsagnartilkynningin er gerð. Wolt mun endurgreiða þér áskriftargjaldið á hlutfallslegum grundvelli, byggt á notkun þinni á áskriftinni og Wolt+ fríðindum fram að dagsetningu uppsagnarinnar.    

5.4. Athugaðu ef þú ert gjaldgengur fyrir ókeypis prufutímabil, þá er uppsagnarréttur þinn innifalinn í ókeypis prufutímabilinu, að því tilskildu að slíkt tímabil sé 14 dagar að lágmarki, og þú munt ekki hafa rétt til að segja upp áskriftinni eftir að þú hefur greitt fyrsta áskriftargjaldið, nema annað sé tekið fram í þessum Wolt+ áskriftarskilmálum. Til að forðast vafaatriði gilda þessi ákvæði aðeins fyrir fyrstu kaup á áskriftinni, og þau gilda ekki fyrir neina sjálfvirka endurnýjun á áskriftinni.

6. BREYTINGAR Á ÁSKRIFTINNI

6.1. Wolt áskilur sér rétt til að breyta eða hætta að bjóða áskriftina eða breyta áskriftargjaldi, viðkomandi Wolt+ fríðindum eða þessum Wolt+ áskriftarskilmálum hvenær sem er að eigin geðþótta. Hins vegar munum við ekki gera breytingar á áskriftinni, Wolt+ áskriftarskilmálum eða Wolt+ fríðindum sem hafa veruleg neikvæð áhrif á þig án þess að veita að minnsta kosti 14 daga fyrirvara með skriflegri tilkynningu. Breytingar sem auka áskriftargjaldið þitt eru gefnar með 45 daga fyrirvara með skriflegri tilkynningu. Breytingarnar taka sjálfkrafa gildi að tilkynningartímabili loknu. Ef þú ert ekki sammála breytingunum geturðu sagt upp áskriftinni í samræmi við leiðbeiningarnar í kafla 4 hér að ofan. 

6.2. Wolt er heimilt að segja upp áskrift notanda án tafar ef: (i) notandinn misnotar Wolt þjónustuna eða áskriftina eða veldur skaða eða tjóni á notkun Wolt þjónustunnar eða samstarfsaðila eða Wolt eða starfsmanna Wolt; (ii) Wolt hefur rökstuddan grun um sviksamlegar gjörðir notandans við notkun áskriftarinnar, eða (iii) notandinn uppfyllir ekki skyldur sem grundvallast í þessum Wolt+ áskriftarskilmálum, notendaskilmálum eða gildandi lögum. Wolt áskilur sér rétt til að halda eftir áskriftargjöldum sem þegar hafa verið greidd ef áskriftinni er sagt upp vegna aðstæðna sem skilgreindar eru í þessum hluta.

7. VINNSLA PERSÓNUGAGNA

7.1. Hægt er að nálgast persónuverndaryfirlýsingu Wolt hér en hún lýsir vinnslu okkar á persónuupplýsingum í tengslum við áskriftina. 

7.2. Við munum ekki nota eða safna neinum frekari persónulegum gögnum frá þér vegna áskriftarinnar, fyrir utan upplýsingar um áskriftaráætlun þína, þar á meðal verð, greiðslumáta, gildistíma, fríðindi innifalin og hvort lágmarksverðmæti pöntunar og afhendingarsvið eigi við. 

7.3. Wolt vinnur ofangreindar persónuupplýsingar til að geta boðið þér áskriftina samkvæmt samningi á milli þín og Wolt. Við notum gögnin til að gera þér kleift að nota Wolt+ fríðindi áskriftarinnar þinnar og sýna stöðu og meðhöndla greiðslur þínar vegna áskriftarinnar. Ef þú hefur samband við þjónustuver okkar munum við nota upplýsingarnar sem þú gefur upp til að svara spurningum þínum eða leysa úr umkvörtunarefnum þínum. 

7.4. Wolt vinnur persónuupplýsingarnar til að uppfylla samningsbundnar skuldbindingar okkar gagnvart þér og til að uppfylla lagalegar skyldur.

8. GALLAR OG KVARTANIR

8.1. Vinsamlegast hafðu samband við support@wolt.com án ótilhlýðilegrar tafar ef þú tekur eftir óheimilum gjaldfærslum á greiðslumáta áskriftarinnar eða ef þú vilt koma á framfæri kvörtun vegna áskriftarinnar.

8.2. Áskriftin og/eða einhverjir eiginleikar hennar geta verið ófáanlegir, ónákvæmir eða truflanir af og til af ýmsum ástæðum og Wolt ber ekki ábyrgð á slíku óaðgengi. Til að forðast misskilning geta ákveðnir eiginleikar eða Wolt+ fríðindi sem eru í boði fyrir hvern notanda á tilteknum tíma, ekki verið í boði fyrir alla notendur á sama tíma eða á öllum tímum, og ákveðnir eiginleikar eða Wolt+ fríðindi geta aðeins verið í boði í nýjustu útgáfu Wolt appsins. 

8.3. Wolt+ og allar upplýsingar sem eru aðgengilegar í gegnum það eru aðeins veittar í upplýsingaskyni á „eins og er“ og „eins og þær eru tiltækar“. Við veitum engar ábyrgðir, staðhæfingar eða tryggingar af neinu tagi, hvort sem er með beinum eða óbeinum hætti, þar með talið en ekki takmarkað við, nákvæmni eða heilleika áskriftarinnar eða aðgengi hennar. 

8.4. Að því marki sem gildandi lög leyfa, afsölum við okkur öllum ábyrgðum, beinum eða óbeinum, þar með talið en ekki takmarkað við, óbeina ábyrgð á að áskriftin sé söluhæf eða hæf fyrir tiltekinn tilgang.

Uppfært 19.08.2025