Wolt Merchant ilovasidan qanday foydalaniladi

Umumiy nazar

• Merchant ilovasiga qanday kirish mumkin
• Merchant ilovasini tushunish
• Merchant ilovasida buyurtmalarni tushunish
• Merchant ilovasida buyurtmalar qanday boshqariladi
• Merchant ilovasida buyurtmalarni rad etish
• Ochilish vaqtini qanday boshqarish mumkin
• Merchant Appʼdan Wolt Yordam xizmatiga qanday murojaat qilish mumkin?
• Afzal ko‘rilgan tovushli bildirishnoma qanday tanlanadi

Wolt Merchant App buyurtmalarni yo‘l-yo‘lakay boshqarish uchun asosiy vositangizdir. Bu yerda asosiy ma’lumotlarni ko‘rib chiqsak-da, to‘liq mustaqil o‘rganish imkoniyatiga ega bo‘lish va operatsiyalaringizni ravon yuritish uchun mavjud barcha vositalar bilan tanishish maqsadida ilovangizga kirishni unutmang.

Merchant ilovasiga qanday kirish mumkin

• Merchant Portal orqali kirish ma’lumotlaringizni yarating yoki Wolt hisobi menejeringiz taqdim etgan ma’lumotlardan foydalaning.

• Agar ilovadan bir nechta a’zo foydalansa, qo‘shimcha foydalanuvchi hisoblarini quyidagicha qo‘shish mumkin: 

  • Merchant Portalda“Kirish ruxsatni boshqarish” bo‘limiga o‘tish

  • Agar ilovadan bir nechta a’zo foydalansa, qo‘shimcha foydalanuvchi hisoblarini quyidagicha qo‘shish mumkin:

  • Ilovaning qaysi qismlariga kirish kerakligiga qarab foydalanuvchilarga vazifalarni tayinlash.

Merchant ilovasini tushunish

“Faol buyurtmalar” bosh ekrani nazorat markazingiz bo‘lib, unda barcha amaldagi buyurtmalaringizni bir qarashda ko‘rishingiz mumkin. U barcha narsani ravon ishlashini ta’minlash uchun zarur vositalar bilan to‘liq jihozlangan.

Ilova qanday boshqariladi

Yon panelni ochish uchun navigatsiya belgisini bosing. U yerda quyidagilar kabi zarur hamma narsalarni barmoqlaringiz uchi bilan topasiz:

• Faol buyurtmalar

• Avvalgi buyurtmalar

• Menyu muharriri

• Merchant qoʻllanmasi

• Wolt Yordam xizmati

• Sozlamalar

Barcha davom etayotgan buyurtmalar qanday koʻriladi

Siz barcha davom etayotgan buyurtmalarni ustunlar orqali harakatlanayotganda, “Yangi” holatidan “Yetkazishda” holatigacha osongina kuzatib borishingiz mumkin, chunki siz ularni qabul qilasiz va tayyorlaysiz. Bu ravon jarayon bo‘lib, har qadamda nazoratni saqlab turasiz.

Doʻkon ochiqligini tushunish

Bu tugma muasasangiz hozirgi statusini ko‘rsatadi. “Ochiq” degan yashil nuqta buyurtmalarni qabul qilishga tayyorligingizni anglatadi. Tanaffus kerakmi? Muassasangiz statusini istalgan payt bir marta bosib, yangilashingiz mumkin.

Merchant ilovasida buyurtmalarni tushunish

Wolt Merchant App buyurtmalarni samarali boshqarish uchun zarur barcha muhim ma’lumotlarni o‘z ichiga oladi. Quyida qisqacha ma’lumot berilgan:

Buyurtma kartalari qanday tushuniladi

Buyurtma kartochkalari har bir buyurtma haqidagi barcha muhim ma’lumotlarni o‘z ichiga oladi:

1. Buyurtma raqami: Oson aniqlash maqsadida uni qadoqqa biriktiring.

2. Yetkazish turi: Olib ketish bo‘lsa yoki yetkazish ekani.

3. Buyurtma berilgan mahsulotlar: Mijoz buyurtma bergan barcha mahsulotlarning batafsil ro‘yxati.

4. Tayyorlash vaqti: Yetkazishdan oldin tayyorgarlik uchun qancha vaqt ajratish kerakligini ko‘rsatadi. 

5. Buyurtma tafsilotlari: Mahsulot rasmlari yoki chop etish variantlari kabi qo‘shimcha ma’lumotlar uchun belgini bosing.

Buyurtma turlari qanday farqlanadi

Turli yondashuvlarni talab qiluvchi ikkita asosiy buyurtma turi bor:

1. Umumiy buyurtmalar: Avtomatik rad etishning oldini olish uchun 3 daqiqa ichida qabul qilinishi shart.

2. Rejalashtirilgan buyurtmalar: Do‘koningiz ochilgach, tasdiqlash uchun 15 daqiqa vaqt bergan holda keyinroq vaqtga belgilang.

💡 Tavsiya: Rejalashtirilgan buyurtmani qabul qilishingiz bilan, u “Rejalashtirilgan” sahifasiga o‘tadi. Xuddi boshqa buyurtmalar kabi, tayyorlashni boshlash vaqti kelganda sizga bildirishnoma yuboriladi.

Har xil yetkazish turlari qanday boshqariladi

1. Wolt yetkazish xizmati: 3 daqiqa ichida qabul qilmasangiz, buyurtma avtomatik rad etiladi.

2. Mustaqil yetkazish: Yetkazish uchun oʻz kuryerlaringizdan foydalaning.

3. Olib ketish: Mijoz buyurtmasini muassasangizdan olib ketadi.

Merchant ilovasida buyurtmalar qanday boshqariladi

Merchant App orqali buyurtmalarni boshqarish juda oson. Buyurtmalarni qabul qilishdan ularni topshirishgacha, keling, jarayonga tezkor nazar tashlaymiz.

Buyurtma qanday qabul qilinadi

ℹ️ Eng avvalo muhim: Merchant ilovasini doim ochiq holda saqlang. Agar yopiq bo‘lsa, biznesingiz mijozlarga oflayn ko‘rinadi va siz hech qanday buyurtma qabul qilmaysiz.

Yangi buyurtma kelganda sizga bildirishnoma yuboriladi – tasdiqlash uchun “Qabul qilish” tugmasini bosing.

Avtomatik rad etishning oldini olish uchun 3 daqiqa ichida qabul qilishni unutmang. Tavsiya etilgan tayyorlash vaqtini tekshiring yoki kerak bo‘lsa uni sozlang. Mijozingizga taxminiy tayyorlash vaqti haqida xabar beriladi. 

Buyurtma qanday tayyorlanadi

Buyurtmani qabul qilgach, u "Jarayonda" holatiga o‘tadi va kuryerning yetib kelishigacha bo‘lgan vaqt hisobi boshlanadi. Buyurtma tafsilotlarini “...” belgisi orqali ko‘rib chiqing va u tayyor bo‘lganda, kuryer va mijozga xabar berish uchun “Tayyor” tugmasini bosing.

💡 Professional tavsiya: Printeringiz bo‘lsa, buyurtma raqamini paketga yopishtiring. Aks holda, shunchaki sumkaga yozib qo‘ying.

Buyurtma qanday topshiriladi

Yetkazish buyurtmalari uchun kuryerning taxminiy kelish vaqtini tekshiring. Buyurtma yetkazilgach, u “Avvalgi buyurtmalar” ro‘yxatiga o‘tkaziladi. Mijoz buyurtmani olishi bilanoq, “Olib ketildi” tugmasini bosing.

Merchant ilovasida buyurtmalarni rad etish

Buyurtmalarni rad etishni iloji boricha kamaytirishga intilamiz, chunki bu mijozlar noroziligi va kelajakda buyurtmalar soni kamayishiga olib kelishi mumkin. Ammo agar buyurtmani rad etish kerak bo‘lsa, uni quyidagicha bajarish mumkin:

Buyurtma qanday rad etiladi

1. Buyurtma kartochkasidagi “...” belgisini bosing

2. "Buyurtmani rad etish" tugmasini bosib, sababni tanlang (bu sabab mijozga ulashiladi).

3. “Davom etish” tugmasini bosib, tasdiqlang.

💡 Tavsiya: Rad etishdan oldin boshqa imkoniyatlarni ko‘rib chiqing: do‘koningizni vaqtincha yopish, mavjud bo‘lmagan mahsulotlarni o‘chirish yoki mijoz bilan aloqa. Zarur bo‘lganda, Wolt yordam xizmatiga ham murojaat qilishingiz mumkin.

Rad etish sabablari

Buyurtmani rad etayotganingizda, sababini ko‘rsatish lozim bo‘ladi:

1. Yetishmayotgan mahsulotlar: Nimadir zaxirada tugagan.

2. Juda band: Hozirda buyurtmani tayyorlash imkoningiz yoʻq.

3. Tez orada yopiladi:Buyurtmani bajarish uchun yopilish vaqtingizga juda oz vaqt qoldi.

4. Boshqa: Mijozga ulashish uchun moslashtirilgan sababni kiriting.

Ochilish vaqtini qanday boshqarish mumkin

Ilova siz belgilagan vaqtlar asosida muassasangizni avtomatik ochib-yopadi. Ishlarni ravon yuritish haqida tavsiyalar bilan tanishing.

Umumiy qoidalar

Ish vaqtida ilovani ochiq saqlang – agar ilova yopiq bo‘lsa, muassasangiz mijozlarga ko‘rinmaydi va buyurtmalarni qabul qilolmaysiz. Shuningdek, bildirishnomalarni o‘tkazib yubormaslik uchun ovoz balandligini ko‘tarib qo‘yishni unutmang.

Muassasangizni qanday qilib vaqtincha yopish mumkin

Biroz tanaffus kerakmi? Muassasa statusi tugmasini bosing va 30 daqiqa, 1 soat yoki keyingi rejalashtirilgan ochilish vaqtingizgacha yopilishni tanlang.

Uzoqroq muddatli yopilish holatlari (masalan, bayramlar) uchun ish soatlaringizni merchant.wolt.com saytida tahrirlashingiz yoki Wolt Yordam xizmatiga murojaat qilishingiz mumkin.

Merchant Appʼdan Wolt Yordam xizmatiga qanday murojaat qilish mumkin?

Yordam kerakmi? Wolt Yordam xizmatiga bevosita ilova orqali ikkita oson usulda murojaat qilish mumkin:

1. Istalgan buyurtma kartasidan Yordam xizmatiga murojaat tugmasini bosing.

2. Menyuda Yordam xizmatiga murojaat bandini tanlang.

Afzal ko‘rilgan tovushli bildirishnoma qanday tanlanadi

To‘g‘ri tovush sozlamasini tanlash buyurtmalarni o‘tkazib yubormaslikni ta’minlashga yordam beradi. Oʻz afzalliklaringiz yoki do‘kon muhitiga qarab bir nechta tovush variantlari orasidan tanlash imkoniyatingiz bor. Ajralib turadigan tovushni tanlash orqali buyurtmalarni o‘tkazib yuborish va avtomatik rad etilish xavfini kamaytirasiz.