Almashtirish yordamida toʻlovni qaytarishni qanday kamaytirish mumkin

Mahsulot qolmaganda vaziyatni muammosiz hal qilish orqali mijozlar qoniqishi va savdo barqarorligini taʼminlang.

Umumiy koʻrinish

Hammamiz shu holga duch kelganmiz: mijoz buyurtmasini intiqlik bilan kutadi, ammo olganida mahsulot qolmagani uchun nimadir yetishmayotganini koʻradi. Yoqimsiz holat, shunday emasmi? Toʻlovlar qaytariladi, lekin har doim bunday boʻlishi kerak emas. Tasavvur qiling, mahsulot qolmaganidan umidsizlik oʻrniga mijozlarning mamnunligiga erishish mumkin.

Bizda yaxshi xabarlar bor: Wolt Merchant ilovangizdagi almashtirishlar ayni shu imkoniyatni taqdim etadi.

Nima uchun almashtirish muhim (hatto oʻylaganingizdan ham muhimroq)

Almashtirish shunchaki buyumni almashtirish emas, balki mijozni qutqarish imkoniyati hamdir. Oʻylab koʻring: agar mijozingizga makaron qaylasi uchun cherri pomidori kerak boʻlsa, umuman pomidor bermagandan koʻra, oddiy pomidor bergan yaxshiroq, shunday emasmi? Almashtirishlar ishonch hosil qiladi. Mijozlar, garchi bu toʻla mos kelmaydigan narsa boʻlsa ham, ularning ehtiyojlarini qondirish yoʻlidagi harakatingizni qadrlashadi. Bu sadoqatni shakllantiradi va yoʻl-yoʻlakay xaridorlarni doimiy xaridorga aylantiradi. Munosib almashtirishlar obroʻyingiz va uzoq muddat uchun daromadingizni oshirishga yordam beradi.

Almashtirishlar qanday ishlaydi

Wolt Merchant ilovasi bilan almashtirishlarni tushunarli va sodda boʻladi:

  • Yuqori sifatli vizual va aniq tavsiflar:

    Foydali rasmlar va batafsil tavsiflar bilan qaysi mahsulot qolmaganini aniq koʻrasiz.

  • Mijoz xohishlari oʻz qoʻlingizda:

    Mijoz sharhlari yoki xohishlarini darhol tekshiring, bu sizga eng yaxshi muqobil mahsulotni osongina tanlash imkonini beradi.

  • Oson va tez harakatlar:

    Barchasini bitta qulay joyda amalga oshiring – shtrix-kodlarni skanerlang, elementlarni bevosita qidiring yoki muqobil mahsulotlarni qoʻlda tanlang.

  • Shaffof narxlar:

    Xotirjam boʻling, almashtirishlar mijozning asl xarid narxini hech qachon oshirmaydi. Agar muqobil mahsulot arzonroq boʻlsa, mijoz kamroq toʻlaydi. Agar qimmatroq boʻlsa, mijoz faqat dastlabki narxni toʻlaydi, farqni esa siz qoplaysiz.

Muqobil mahsulot yoʻqmi? Xotirjam boʻling

Baʼzan muqobil mahsulot boʻlmasligi tabiiy hol. Mijozlarning faqat chindan olingan narsa uchun toʻlashini taʼminlab, mahsulot toʻlovini ilovangiz orqali qaytarishingiz mumkin. Bu oddiy usul mijozlaringizni xabardor qiladi va har qanday kutilmagan noxush hodisalarni kamaytiradi.

Almashtirishlar boʻyicha qoʻllanma

Bu uchta oddiy qadamdan iborat:

1. Tekshiring

Qolmagan mahsulotlarni bir zumda ekranda aniq koʻring.

2. Almashtiring

Tizimimiz darhol muqobil mahsulotlarni taklif qiladi. Shtrix-kodni skanerlash, mahsulot GTIN kodini qo‘lda kiritish yoki tavsiya etilgan almashtirishlardan tanlash orqali tezda tanlang.

3. Tasdiqlang

Qayta tekshiring va tanlovingizni aniq vizual tasdiqlar bilan tasdiqlang.

Umidsizlikni mamnuniyatga aylantiring

Mijozlar ularning ehtiyojlarini qondirish uchun qoʻshimcha harakatingizni sezadi va qadrlaydi. Almashtirishlar faqatgina toʻlovni qaytarishga toʻsqinlik qilmaydi, balki ijobiy mijozlar tajribasini yaratib, munosabatlaringizni mustahkamlaydi. Mamnun mijozlar toʻlov qaytarilishining kamayishi va buyurtmalar koʻpayishini anglatadi, bu esa biznes uchun juda zarur.

Yordam kerakmi?

Savollaringiz bormi yoki yordam kerakmi? Yordam guruhimiz har doim xizmatga tayyor. Istalgan vaqtda Merchant App orqali bogʻlaning.

Almashtirishlarda omad tilaymiz!

Ko‘proq bosqichma-bosqich yoʻriqnomalardan foydalanmoqchimisiz?

Maʼlumot markaziga oʻting